Ciucculatina d' 'a Ferrovia

Stampa


Ciucculatina da ferrovia


pioggia ‘e capille bionde


te l’accarezza ‘o viento


e tu che staje penzanno

Ciucculatina da ferrovia

malboro ‘e contrabbande

‘nnanze a na bancarella


scugnizza e santarella


e nun t’aspetta niente


quanno fernesce ‘o juorno


te pierde ‘mmieza gente

ca nun cunusce ‘e suonne

E si’ ccrisciuta

addo’ se nasce gia’ crisciute

nunn’’e pazziato


tu ‘e ppazzielle nun l’he’ avute


forse si’ stata qualche vota ‘nnammurata


ma nisciuno t’ha creduto


e nun cride ca ‘inta ‘sta vita se po’ cagnà

nun ce pienze pe’ te dimane è ppassato gia’

e da ‘o tiempo ciucculatina te faie squaglià

Ciuccuolatina da ferrovia


uocchie ‘e capille bionde


nu poco cchiu ‘e vint’anne


ma gia cunusce ‘o munno

Ciucculatina da ferrovia

frutto ‘e nu sbaglio ‘e lietto

nun t’hanno dato niente

tu gia’ si’ ricca a’’dinto

Nun t’hanno maje purtata

comme ‘a na figlia ‘a scola

nun t’hanno maje cercata

e tu ‘e sbagliato sola

E si vulata

‘mmiez’o fummo ca ‘e vennuto

dint’’e carezze ‘e ciente mmane scunusciute


e si’ rimmasta addo’ si figlia ‘e nu nisciuno


e se vive senza Dio


e t’arrienne si nu penziero te fa scetà


e t’adduorme ‘ncoppo cuscino ‘e st’oscurità

e rituorne ciucculatina e te faie mangià


Ultimo aggiornamento ( Martedì 28 Luglio 2020 12:52 )